Partia Demokratike e Kosovës bashkë me partnerët e saj të koalicionit ka fituar bindshëm krahasuar me partitë e tjera, në Suharekë, qytetin e lindjes së zëvendëskryetarit të PDK-së, Enver Hoxhaj.
Sipas të dhënave nga numërimi i deritanishëm i votave, PDK-ja me partnerë ka marrë mbi 11500 vota, duke lënë prapa LDK-në dhe Vetëvendosjen. Kësisoj, Suhareka është kthyer në bastionin e kryediplomatit kosovar Hoxhaj, i cili vjen nga po ky qytet.
Pjesën më të madhe të ditëve të fushatës Hoxhaj e ka kaluar pikërisht me bashkëvendasit e tij në Suharekë, të cilët e kanë përkrahur që nga koha kur ka hyrë në PDK.
- Advertisement -
