Rritet numri i votuesve

KQZ ka njoftuar zyrtarisht se në zgjedhjet e 11 qershorit kanë votuar 41.45 për qind e qytetarëve me të drejtë vote, apo gjithsej 759904 votues.

Kjo është rritje sa i përket numrit të votuesve në krahasim me zgjedhjet e 2014-s. Atë kohë kishin votuar 750112 votues, apo 42.08 për qind e qytetarëve me të drejtë vote.

Valdete Daka, kryetare e KQZ-së, ka thënë se procesi i votimit ka shkuar pa probleme, përpos disa parregullsive në veri të vendit, por që nuk kanë shkaktuar dëmtim të procesit.