Sipas shtabit zgjedhor të PDK-së në Drenas, bëjnë të ditur për Drenica Press se deri në ora 17 votuan në Drenas 33.04 për qind, apo 17 mijë e 474 votues, transmeton DRENICA PRESS.
Ata thonë se “në Komunën e Drenasit është duke vazhduar votimi dhe nuk është raportuar asnjë incident deri me tani. Në 28 qendra të votimit sa ka Komuna e Drenasit, sipas të dhënave që ka Shtabi Zgjedhor i Partisë Demokratike të Kosovës, dega në Drenas deri në ora 17:00, kanë votuar 33.04 për qind, apo 17 mijë e 474 votues. Situata përgjithësisht është e qetë dhe nuk është evidentuar asnjë incident. PDK-ja fton të gjithë qytetarët që të shfrytëzojnë të drejtën e tyre për të votuar deri në mbylljen e qendrave të vendvotimit.
