Veterani i UÇK’së nga Drenasi, Avni Miftari u ka lënë një porosi kolegëve të tij para derës së zyres së OVL të UÇK’së në Drenas.
Miftari në profiling e tij në Facebook, ka postuar një fotografi ku shihet se si ai ka mbështetë fushatën ‘AsUnë’ që nënkupton se ‘nuk do t’i votojë kandidatët e korruptuar.
Ai shkruan se Shoqata e Veteranëve në Drenas, po përkrah haptazi PDK’në dhe kjo sipas tij nuk është në rregull, transmeton Periskopi.
Postimi i plotë i Miftarit në Facebook:
Distancohem nga OVL e UÇK-së në Drenas
Veteranët,individualisht mund të votojnë sipas dëshirës,por Shoqatat e dala nga lufta duhet të qëndrojnë apartiake.
Pasiqë Shoqata në Drenas përkrah hapur kandidat nga PDK-ja për Deputet(nuk është hera e parë) dhe derën e kishin të mbyllur,unë si Veteran ua lash këtë porosi që t’ua bëjë me dije se ne kemi bërë luftë për shtet e jo për pushtet-parti politike.
Mos shkelni mbi Gjakun dhe Sakrificën e popullit.
Mallkimin do ta vuajnë fëmijët tuaj o të mallkuar.
#AsUnë nuk votoj profiterët hajna
