Kandidati për deputet në Kuvendin e Kosovës nga radhët e Lidhjes Demokratike të Kosovës, Besnik Berisha, ka komentuar për sondazhin e fundit për zgjedhjet e 11 qershorit në vend, që ka parashikuar fitore bindëse të koalicionit PDK-AAK-Nisma.
Berisha, këshilltar ligjor i kryeministrit në largim, Isa Mustafa, ka thënë në TV Dukagjini se nuk pajtohet me konstatimet e sondazhit të Index Kosovës, organizatë e afërt me Lëvizjen Vetëvendosje, se LDK do të dalë e treta në zgjedhje, prapa Vetëvendosjes.
Madje, ai ka thënë se nuk pajtohet me asnjë rezultat të sondazheve.
“Unë besoj se janë sondazhe të fryera, nuk reflektojnë realitetin”, është shprehur Berisha.
- Advertisement -
