Cristiano Ronaldo është personaliteti më i njohur i Madeires, ishull në Oqeanin Atlantik, njofton zeri.info. Përveç në futboll dhe aktivitete humanitare, ai ka bërë shumë edhe për turizmin në vendlindjen e tij.
Në shenjë falënderimi, autoritetet lokale kanë vendosur që aeroporti në afërsi të Funchalas, të marrë emrin e tij. Megjithëse një pjesë e politikanëve dhe numër i vogël i banorëve ishin kundër kësaj ideje, ajo tashmë është bërë realitet.
“Nganjëherë njerëzit janë shkurt pamës sa i përket falënderimit, por në Madeira nuk është ashtu. Emërimi i aeroportit me emrin e tij është më së paku që mund të bëjmë për Ronaldon. Vënia në dyshim e vendimit tonë ishte e turpshme, aq më tepër që ne e kemi financuar vetë ndërtimin e aeroportit”, ka thënë Miguel Albuquerque, kryeministër i Madeires. Ronaldo në vendlindje ka edhe muze me emrin e tij si dhe hotelin që quhet “CR7”.
