Këshilli Komunal për Siguri në Bashkësi sot ka mbajtur takimin e parë për vitin 2017. Takimin e udhëhoqi Nënkryetari i Komunës së Skenderajt Fadil Nura.
Në këtë takim KKSB-ja ka shqyrtuar çështje të rëndësishme ndër të cilat: Planin e Veprimit për vitin 2017, Siguria e përgjithshme në Skenderaj dhe Kapacitetet e SHZSh-së për intervenim në fatkeqësi të ndryshme.
KKSB pas diskutimeve të anëtarëve të tij, miratoi Planin e veprtimit për vitin 2017, ku parashihen aktivitete gjatë periudhës vijuese që kanë të bëjnë me përgjegjësit e këtij organi.
Në lidhje me sigurinë në Skenderaj, Komandanti i Stacionit të Policisë në Skenderaj Basri Durmishi tha se gjendja e sigurisë në Skenderaj është e kënaqshme dhe shembull për regjionin dhe më gjërë. Deri të kjo situatë ka ardhur falë bashkëpunimit të policisë me qytetarët dhe institucionet. Sipas stistikave të prezentuara numri i rasteve në total gjatë vitit 2016 ka shënuar rënie për 12 përqind, ndërsa numri i veprave penale për 18.4 përqind.
Z. Durmishi ka theksuar po ashtu se edhe sa i përket lëvizjes së lirë gjendja është e mirë, duke pasur parasysh edhe vendbanimet ku jetojnë pjestarë të pakicës serbe.
KKSB ka diskutuar edhe për rastin e fundit të sulmit ndaj të riut Azem Deliu. Sipas Komandantit të policisë në Skenderaj, rasti i sulmit ndaj Azem Deliut është rast i izoluar dhe në bazë të informatave të policisë ky incident nuk ka qenë i organizuar, apo i nxitur nga grupe të organizuara. Policia në lidhje më këtë rast e ka kryer punën në mënyrë profesionale dhe sulmuesit janë ndaluar shumë shpejt, ndërsa me procedurat e tjera po merren organet e drejtësisë.
KKSB në këtë takim ka diskutuar edhe për kapacitetet e njësisë së zjarëfikësve në Skenderaj, si dhe për punën dhe kushtet në të cilat punon kjo njësi./DrenicaPress/
