Deputetja Blerta Deliu- Kodra në emër të Grupit Parlamentar të PDK-së, ka shprehur shqetësimin e thellë për shtyrjen e vendimit për lirimin e liderit të AAK-së, Ramush Haradinaj.
Deliu- Kodra, në seancën që po mbahet në Kuvendin e Kosovës, ka shtuar tutje se GP i PDK-së kërkon që të gjithë faktorët ndërkombëtar të angazhohen për lirimin e Haradinajt.
“Grupi Parlamentar i PDK-së, kërkon nga drejtësia dhe institucionet udhëheqëse të Francës po ashtu edhe nga të gjithë faktorët ndërkombëtarë që të angazhohen për lirimin e menjëhershëm të z.Haradinaj”, ka thënë Deliu-Kodra.
Ajo ka theksuar se kjo është një padrejtësi e madhe që po i bëhet jo vetëm Haradinajt por të gjithë qytetarëve të Kosovës.
