Edhe në takimin e dytë, që do të mbahet sot në Bruksel ndërmjet Kosovës dhe Serbisë, palët do të përfaqësohen nga niveli më i lartë politik.
Takimi do të jetë në nivel presidentësh dhe kryeministrash, pra Hashim Thaçi e Tomisllav Nikoliq dhe Isa Mustafa e Aleksandar Vuçiq.
Ftesa atyre u është dërguar nga përfaqësuesja e lartë e BE-së, Federica Mogherini, transmeton Koha.net.
Takimi i parë i këtij niveli ishte mbajtur më 24 janar dhe ishte cilësuar si mjaft i vështirë.
Qëllimi i këtyre takimeve, sipas Bashkimit Evropian, është fillimisht ulja e tensioneve mes dy vendeve, pas veprimeve provokuese të Serbisë.
- Advertisement -
