Dialogu ndërmjet Kosovës dhe Serbisë do të vazhdojë me 1 shkurt në Bruskel.
Kështu ka njoftuar Federica Mogherini, Përfaqësuesja e Lartë e Bashkimit Evropian për Politikë të Jashtme.
Në takim janë ftuar vetëm kryeministri i Kosovës, Isa Mustafa dhe ai i Serbisë, Aleksandar Vuçiq, por jo edhe presidenti Hashim Thaçi dhe ai serb Tomislav Nikoliq, njofton Klan Kosova
Ky takim pason pas atij të mbajtur me 24 janar, ku të dyja palët ranë dakord që të ulen tensionet ndërmjet këtyre dy shteteve.
Në takimin e ardhshëm do të diskutohen çështjet e pazgjidhura, marrëveshjet që janë arritur në të kaluarën si dhe për të ardhmen e dialogut.
- Advertisement -
