Vajza e ish Presidentit amerikan, Bill Clinton, ka shkruar të dielën për ta mbrojtur Barron Trump, djalin 10 vjeçar të tashmë presidentit amerikan, Donald Trump, i cili ka qenë cak i ngacmimeve të shumta në internet.
Chelsea Clinton, i ka inkurajuar ndjekësit e saj në rrjete sociale që të mos e ngacmojnë djalin më të vogël të Trump.
“Barron Trump e meriton shansin që çdo fëmijë e ka – të jetojë fëmijërinë e tij”.
Por Clinton në statusin e saj ka kundërshtuar në një formë babain e Barron, që tashmë është President i SHBA-së, transmeton KlanKosova.
“Të mbështetësh fëmijët do të thotë të kundërshtosh politikat e Presidentit amerikan, që lëndojnë fëmijët”.
- Advertisement -
