Komuna e Skenderajt ka pritur në drekë pune përfaqësuesit e Komunës së Drenasit, ku ishin të kryesuar nga kryetari i Komunës, Ramiz Lladrovci dhe drejtorë të drejtorive komunale.
Nënkryetari i Komunës së Skenderajt, Fadil Nura, që po ashtu ishte me drejtorë të drejtorive komunale dhe deputeti i kësaj zone Nuredin Lushtaku, kanë mirëpritur këtë takim delegacionin nga Komuna e Drenasit dhe kanë uruar kryetarin Lladrovci marrjen e detyrës së re.
Dy delegacionet janë zotuar se do të vazhdojnë bashkëpunimin ndërkomunale sipas ligjit për të mirën e qytetarëve të zonës së Drenicës. Kujtojmë se para disa ditësh, delegacioni nga Komuna e Skenderajt kishin marrë pjesë në takim me kryetarin Lladrovci. /Drenica Press/
