Sistemi radar në Golesh, i cili monitoron aeroplanët në hapësirën ajrore të Kosovës, ka rënë nga funksioni, gjatë tre ditëve të fundit, thonë burime të KTV.
Këto burime kanë thënë se si pasojë e daljes nga funksioni të këtij radari, kontrollorët në Aeroportin ndërkombëtar të Prishtinës, janë duke punuar në mënyrë procedurale.
Kjo nënkupton që kontrollorët e trafikut ajror për tre ditë nuk kanë fotografi të aeroplanëve në hapësirën ajrore të Kosovës.
Dëshmi e kësaj është ky dokument, të cilin e ka siguruar KTV-ja. Dokumenti i është dërguar autoritetit të aviacionit civil dhe departamentit për siguri në kontrollin ajror.
