Zgjedhjet e jashtëzakonshme për kryetar të Drenasit nxorrën në shesh një të vërtetë të madhe, se kjo Komunë ishte lënë pas dore për vite të tëra. Zbulimi i kësaj të vërtete i pengonte shumë pushtetit prandaj e mobilizuan tërë aparatin Parti-Shtet që Drenasi të fitohej lehtë dhe shpejt dhe të mos shkonte as në balotazh.
Nisma për Kosovën duke e dërguar Drenasin në Balotazh, është krenare që dha kontribut në fillimin e pluralizmit të vërtë në Drenas.
Këto zgjedhje krijuan një realitet të ri i cili thotë qartë se askush më nuk e ka të sigurtë fitoren vetvetiu.
Nisma në këto zgjedhje është përballë me shantazhe kërcnime dhe megjithatë anëtarët simpatizantët dhe qytetarët që u angazhuan për ndryshim nuk u zbrapsën por u angazhuan që alternativa për ndryshim të depërtojë te shumë qytetarë të Drenasit.
Kjo ishte vetëm një betejë, Nisma do të vazhdojë aktivitetin e saj në Drenas dhe për Drenasin.
Nisma falënderon gjithë votuesit të cilët votuan për Isa Xhemajlin dhe alternativën për ndryshim.
Vet fakti që për herë të parë Drenasi fituesin e vendosi në balotazh është fitore. Edhe njëherë zotohemi se do të vazhdojmë të qëndrojmë pranë qytetarëve të Drenasit!
