Deklaratat e bëra nga Ministrja e Mbrotjes Mimi Kodheli kundër homologut të saj grek kanë kaluar në një prapavijë tjetër, e thënë ndryshe hakmarrje e drejtpërdrejtë ndaj ministres. Sapo u tha “ka ikur koha e satrapëve”, mediat greke janë hakmarrë ndaj Kodhelit.

Gazeta greke “makeleio.gr” ka publikuar një artikull të cilin ia ka kushtuar Mimi Kodhelit dhe jetës së saj para së të bëhej ministre. Sipas këtij artikulli Kodheli para 25 vitesh punonte si balerinë në Athinë dhe më pas iku në Amerikë ku përfundoi studimet.

“Prandaj duhet të mbaj mend çfarë ka bërë përpara se të bëhej politikane dhe se ushtria nuk bëhet kur ke shkuar me shumë meshkuj. Dhe duhet të mbajë mend se nuk ka qenë Turqia që ka ndihmuar Shqipërinë por Greqia. Sot kërcimtarja shqiptare e lokaleve të natës në Athinë është bërë Ministre e Mbrojtjes e Shqipërisë”, shkruhet në artikullin e kësaj gazete.