Përfaqësuesi i fshatit Dobroshec, Xhevdet Shehu ka sqaruar se si ka ndodhur, siç ai e quan, atentati kundër tij.
Ai thotë së të dielën mbrëma gjersa ishte duke shkuar për në shtëpinë e tij në fshatin Dobroshec, disa persona me tre vetura i kanë dalë në rrugë dhe kanë tentuar që të bëjnë atentat kundër tij duke i devijuar rrugën disa herë.
Sipas Shehut, prita e parë i ishte bërë tek vendi “Sukat”, e më pas dy vetura i kanë organizuar pritë afër hekurudhës, që sipas tij është pjesë shumë e rrezikshme dhe aksidentet mund të jenë fatale.
“…pasi i kemi përfunduar obligimet që i kemi pas gjatë zgjedhjeve ditën e dielë, duke shkuar për Dobroshec e kam vërejtur se një veturë GOLF’2 më ka penguar. Jam kthyer prapa dhe e kam parë se po ma blindon rrugën. Kam hyrë nër urë dhe kam arritur që ta tejkaloj. Pas asaj pas 200 metrave i kam vërejtë dy vetura të tjera të cilat në atë moment janë ndëzuar. Njëra ka qenë një xhip i zi dhe një veturë e tipit BMË. Të dyja këto mi kanë drejtu dritat”, rrëfen ngjarjen ai, raporton Express.
Ndonëse rastin e ka paraqitur në polici, Shehu thotë se nuk ka ndonjë person të dyshuar lidhur mbi këtë ngjarje. Sipas tij është rezultati i zgjedhjeve në këtë komunë ai i cili u ka penguar kundërshtarëve të Drenorit.
“Nuk dyshoj në asnjë njeri rreth kësaj çështje. Vetëm një veturë mund ta njoh se ditën e zgjedhjeve në qytet më ka provoku pak. Dikënd e kanë penguar rezultatet që në ditën e zgjedhjeve dhe kemi arritë që ta bëjmë një pëunë të mrekullueshme. Janë mundu ndoshta me na frikësu ndokush, por kërcënimet, frikësimet nuk vlejnë për neve”, thotë tutje Xhevdet Shehu, bashkëpunëtori i Xhavit Drenorit.
Ndërkohë që edhe ish-kandidati për Drenas, Xhavit Drenori kërkuar zbardhjen e këtij rasti nga autoritetet e hetuesisë.
“Një nga bashkëpunëtorët më të afërt ka përjetuar një atentat .Pak para mesnatës ai ishte duke u kthyer në shtëpi dhe i ishte organizuar një pritë, ku ai u detyrua të dilte me veturë nga rruga”, tregoi Drenori, duke shtuar se fatmirësisht bashkëpunëtori i tij, evitoi rrokullisjen me veturë.
