Votimi në qendrën e votimit më të madhe në Drenas, filloi ashtu siç ishte paraparë, megjithatë vëzhguesit dhe komisioneri i KQZ-së, patën një debat të nxehtë se ku duhet të qëndrojë një vëzhguese.
Është fjalë për vendvotimin 0301e/02R, në shkollën “Rasim Kiçina”, ku një vëzhguese qëndronte afër vendit ku qytetarët vendosin se për cilin subjekt politik të votojnë.
Derisa komisioneri i kërkonte që të mos të qëndrojë në atë pjesë, vëzhguesit reaguan duke i thënë se ai nuk ka të drejt të caktojë vendin atyre. Kurse, pas një debati, komisioneri largoi vëzhguesen nga ajo pjesë me arsyetimin se mund të pengojë votuesit.
