Sot në Prishtinë me një varg aktivitetesh shënohet 25 Nëntori-Dita Ndërkombëtare për eliminimin e dhunës ndaj gruas.
Zyra e kryeministrit lanson raportin final për zbatimin e Planit të Veprimit për Rezolutën e Kombeve të Bashkuara 1325.
Kurse, organizuar nga Grupi i Grave Asambliste, Zyra për Barazi Gjinore dhe përkrahur nga kabineti i kryetarit të Komunës, Shpend Ahmeti, fillon aktiviteti “16 Ditët e aktivizimit kundër dhunës ndaj gruas”.
Në kuadër të këtij aktiviteti, nesër në ndërtesën e vjetër të Komunës së Prishtinës do të mbahet debat me temën “Dhuna, pasojat e saj dhe njohuritë ligjore”.
Sipas një njoftimi të Komunës së Prishtinës, në debat do të marrin pjesë përfaqësues të Policisë së Kosovës, Prokurorisë së Shtetit, Qendrës për Ndihmë Sociale, OJQ-së Women for Women etj.
- Advertisement -
