Kandidati i Partisë Demokratike të Kosovës për kryetar të Drenasit, Ramiz Lladrovci, konsideron se prioritetet e qeverisjes së tij në Drenas janë në linjë të plotë me pritshmëritë e qytetarëve.
Ai tha se Komuna e Drenasit ka kushte shumë të përshtatshme për zhvillimin e bujqësisë dhe në skemën mbështetëse, ne do ta përfshijmë edhe përkrahjen për fermerë në inpute bujqësore, shtimin e subvencioneve dhe lehtësimin e kushteve për plasimin e prodhimeve vendore në tregje.
“Jam shumë i lumtur që prioritetet e qeverisjes sime në Drenas janë në linjë të plotë me pritshmëritë e qytetarëve. Mbrëmë, qytetarët e Komoranit-lagja Ibriqi, Negrocit dhe Abrisë së Epërme, i sigurova që kërkesat e tyre do të mundohem t’i kthej në vendime të dobishme për ta.”
“Komuna e Drenasit ka kushte shumë të përshtatshme për zhvillimin e bujqësisë dhe në skemën mbështetëse, ne do ta përfshijmë edhe përkrahjen për fermerë në inpute bujqësore, shtimin e subvencioneve dhe lehtësimin e kushteve për plasimin e prodhimeve vendore në tregje”, ka thënë Lladrovci./Drenicapress.info/
