Në kuadër të procesit të ristrukturimit të brendshëm të Aleancës Kosova e Re, sot në Skenderaj në prani të mbi 300 mysafirëve dhe delegatëve, është mbajtur Kuvendi Zgjedhor i degës së partisë në këtë Komunë.
Të pranishmit në emer të Presidentit të AKR-së Behgjet Pacolli, i përshendeti koordinatori i zgjedhjeve në AKR Vesel Makolli, i cili deklaroi se Kosova nuk e meriton këtë keq-qeverisje. Ai tha se vetëm me AKR-në Kosova do të mund të këtë rritje ekonomike mbi 10%, shtet ligjor, vende të reja të punës dhe mirëqenie për të gjithë. “Kosova ka nevojë për burrështetas që mendojnë për të mirën e qytetarëve e ai është burrështetasi, humanisti dhe biznismeni me permasa botërore është Behgjet Pacolli” tha Makolli.
Më pas kuvendi zgjodhi kryetarin dhe kryesinë e degës, ku me shumicë votash kryetar është zgjedhur Musa Dervishi, i cili duke falenderuar delegatët për besimin e dhënë theksoi se AKR-ja është ajo e cila do ta ndryshojë Skenderajn.
“Ne do ti dalim përballë pushtetit lokal me projekte konkrete, ne duam të punojmë për të mirën e vendit”, ka thënë Dervishi.
Kuvendi më pas ka zgjedhur edhe strukturat tjera udhëheqëse të degës, me nënkryetarët Ramiz Polaci dhe Aferdita Selimi si dhe sekretare Dorarta Ndreshaj./Drenicapress.info/
