Pas vendimit të Gjykatës së Apelit për dënim me burg të Grupit “Drenica I”, ka reaguar kryetari i Nismës për Kosovën, Fatmir Limaj.
Limaj përmes Facebook-ut, ka thënë se kjo është një goditje e madhe për luftën çlirimtare, duke e quajtur lajmin si shumë trishtues.
Limaj ka theksuar se aktgjykimi i shpallur sot tregon se sistemi i drejtësisë nuk është i pavarur.
“Dënimi edhe i Gjeneral Sami Lushtakut sikurse edhe dënimi i bashkëluftëtarëve tjerë para disa dite është edhe një lajm tjetër i trishtueshëm dhe poashtu goditje e madhe në luftën tonë çlirimtare që këta bashkëluftëtar e kanë udhëhequr në Drenicë dhe në Kosovë. Vonesa e shpalljes së këtij vendimi e po ashtu edhe informatat në medie të ndryshme për këtë vendimin dhe në fund vetë ky aktgjykim i shpallur sot na tregon se sa i ‘pavarur’ është sistemi i drejtësisë në vend”, shkruan Limaj në Facebook. /Telegrafi/
