Kampioni në fuqi i futbollit të Kosovës, Feronikeli që e nisi shumë keq sezonin 2016/2017 ku pas 6 xhirove kishte 3 humbje, në javët e fundit është këndellur dhe ka harruar që është të mposhtet, shkruan Infokusi.com.
Kështu kampionët po e ndjekin hap pas hapi Prishtinën dhe Trepçën ’89.
Humbja e fundit e ‘Niklit’ ishte në kuadër të javës së 6-të nga Prishtina me rezultat minimal 1:0, në ndeshjen që ishte luajtur në Drenas.
Që nga ai takim, në 6 ndeshjet e fundit, skuadra që po drejtohet nga Afrim Tovërlani ka regjistruar 5 fitore radhazi dhe një barazim në ndeshjen e fundit kundër Besës në udhëtim 1:1.
Si duket, kampionët e kanë kaluar kirzën që kishin në fillim.
Në javën e 13-të, Feronikeli do të luaj në ‘Rexhep Rexhepi’ në Drenas kundër Gjilanit, takim që zhvillohet të shtunën nga ora 13:00.
