htëpia botuese “Logos A” në bashkëpunim me Institutin për Trashëgimi Kulturore dhe Shpirtërore të Shqiptarëve në Republikën e Maqedonisë, kanë bërë sot në Shkup promovimin e dy botimeve: “Shkupi ndërmjet dy luftërave botërore”, me autor Skender Asani dhe veprën “Tokat e liruara” të autorit Qerim Lita, shkruan SHENJA.
Këto dy botime sjellin dokumente të rëndësishme të arkivave shtetërore të Republikës së Shqipërisë, Maqedonisë, Kosovës, të cilat pasqyrojnë realitetin e shqiptarëve gjatë periudhave përkatëse, dhe vështirësitë me të cilat janë përballur ata.
“Përmbledhja nga 4 volume ka një rëndësi sepse sjell burime autentike për shumë probleme të histprisë tonë gjatë periusdhës së luftës së dytë botërore. Botime ka rëndësi të madhe për hulumtimin korrekt shkencor”, tha gjatë fjalimit të tij, akademiku nga Shqipëria, Beqir Meta.
“Vepra është rezultat i një pune hulumtuese disa vjeçare, duke vjel me kujdes mjaft dokumente që lidhin me Shkupin dhe shqiptarët dhe padrejtësitë e ushtruara ndaj popullatës shqiptare”, tha referuesi Nuredin Ahmeti, duke komentuar rreth librit “Shkupi ndërmjet dy luftërave botërore”. /SHENJA/
