Zhvilluesit e produktit thonë se pajisja e re punon në matjen e nivelit të interleukinës-6 e cila është e lidhur me kancerin e prostatës, mëlçisë, gjirit dhe kanceret epiteliale. Smartfoni vjen i pajisur me spektrometër i cili analizon sasinë dhe llojin e kimikateve, duke shqyrtuar spektrin e dritës.
Sipas tyre, kjo pajisje do të jetë në gjendje të gjenerojë diagnoza të çastit kudo, duke përfshirë dhomat e urgjencës, ambulancë apo zyrë të mjekut.
Smartfoni është shumë i aplikueshëm në klinikat dhe spitalet ku mungojnë laboratorët dhe sipas hulumtuesit kryesor shpejtësia e diagnostifikimit nepërmjet kësaj pajisje është më e shpejtë sesa me rezultatet laboratorike.
Dizajni i tanishëm punon me iPhone 5 dhe është treguar i saktë në 99% të rasteve. Ekipi hulumtues është duke e përdorur atë në situata të botës reale. Ndërsa dizajnet e ardhshme pritet të jenë të lidhura me çdo lloj smartfoni që keni në përdorim.
