Ka filluar korja e orizit në qytetin e Koçanit, por bujqit kanë ngecur në borxhet e vitit të kaluar të korjes. Përsëri, problem paraqet çmimi blerës, përcjell Telegrafi Maqedoni.
Sipas shoqatës ”Ari i bardhë”, premtimet e ministrisë resore për të ndihmuar në këtë çështje, kanë ngelur vetëm gënjeshtra dhe mashtrime, kurse çmimet kanë rënë në shifrën më të ulur të mundshme.
Prandaj, bujqit e këtij rajoni kërkojnë nga ministri i bujqësisë, pylltarisë dhe ujrave, Mihaill Cvetkov, që të mos i vizitojë pasi që nuk është i mirëseardhur.
Të hënën është caktuar një takim në mes të Ministrisë së bujqësisë, pylltarisë dhe ujrave me prodhuesit e orizit, për të ndihmuar në këtë krizë./Telegrafi/
