Partia Popullore Serbe (SNP) ka kërkuar sot nga autoritetet shtetërore për t’i hetuar arsyet se përse kryetari i Federatës së Volejbollit të Serbisë, Nenad Golijanin abstenoi gjatë votimit për pranimin e Kosovës në Federatën Ndërkombëtare Volejbollit (FIVB), shkruan beta.rs, raporton Zeri.info.
Përmes një deklarate, kjo Parti e ka vlerësuar vendimin e Golijanin si ‘skandal të paparë në historinë e sportit serb’, duke shkuar edhe më larg, sa që e veprimet e tij i krahasoi me ‘elemente të krjimit, që e kundërshtojnë politikën zyrtare shtetërore dhe që e kërcënojnë sigurinë kombëtare’, përcjellë Zeri.info.
“Është për të të ardhur keq që vendet tjera, të tilla si Spanja, e cila ka votuar kundër pranimin e Kosovës në FIVB, u treguan më shumë avokatë për interesat e Serbisë se sa që e bënë këtë përfaqësuesit serbë, të cilët e kishin këtë punë një detyrë kombëtare. Nëse qëndrimi zyrtar i Qeverisë së Serbisë është që nuk e njeh pavarësinë e shtetit të rremë të Kosovës, detyrimi i çdo zyrtari sportiv është për të votuar kundër pranimit të vendit të terrorist Hashim Thaçi në ndonjë organizatë sportive në botë”, thuhet në këtë deklaratë.
Kjo Parti e kishte akuzuar edhe kryetarin e Komitetit Olimpik të Serbisë, Vlade Divac, i cili në vitin 2014, kishte ‘luftuar’ kundër interesave kombëtare, duke ia dhënë ‘dritën jeshile’ Kosovës për t’u pranuar në Komitetin Olimpik Ndërkombëtar.
SNP thotë se zyrtarët sportivë serbë janë ‘bashkëfajtorë në njohjen e shtetit të rremë të Kosovës’.
Në Kongresin e mbajtur dy ditë më parë në Buenos Aires, Federata Ndërkombëtare e Volejbollit e pranoi me t drejta të plota Kosovën dhe Sudanin Jugor.
Federata e Volejbollit të Serbisë abstenoi, kurse kundër pranimit të Kosovës ishte vetëm Spanja.