Gjiganti metalurgjik Ferronikel në Drenas ende nuk dihet se kur do të mund të rifilloj punën pavarësisht deklaratave që deri para 1 shtatorit, furrat e këtij gjiganti do të ndezën.
Edhe pse, Agjencia Kosovare e Privatizimit i ka dhënë për shfrytëzim një pronë të ndërmarrjes shoqërore “Miniera dhe industria e magnezit” – MIM Goleshi” për një periudhë deri në 12 muaj, nuk dihet se kur do vazhdoj aktivitetet e mëparshme Ferronikeli.
Pas insistimit të televizionit që dy muaj të marr përgjigje për këtë kërkesë të Ferronikelit, bordi i drejtorëve të kësaj agjencie ka shqyrtuar dhe ka aprovuar kërkesën e Ferronikelit për dhënien e pëlqimit për shfrytëzimin e një pjese të ngastrës kadastrale të minierës së Goleshit.
Kjo qiradhënie do të mundësojë vazhdimin e aktiviteteve të Ferronikelit dhe është mbështetur nga te gjitha institucionet relevante te Republikës se Kosovës.
Mirëpo, eksperti i xehetarisë, Izet Ibrahimi, thotë se Agjencia Kosovare e Privatizimit nuk ka të drejtë ligjore të jep këtë pronë pasi është aset i një ndërmarrje shoqërore, siç është miniera e magnezitit të Goleshit. /GazetaTribuna/
