Ministri i Jashtëm i Serbisë, Ivica Daçiq, ka thënë të premten në një takim me sekretarin e përgjithshëm të Organizatës së Kombeve të Bashkuara, Ban Ki-moon, se Serbia këmbëngul që misioni i OKB-së të mbes në Kosovë.
“Serbia këmbëngul se misioni i OKB-së të mbetet mandati i pandryshuar dhe me përbërje të pandryshuar, sepse ne besojmë se ky mision vazhdon të luajë një rol të rëndësishëm në Kosovë”, ka thënë Daçiq. “Prishtina mendon se ky mision duhet të largohet nga Kosova, por populli serb dhe komunitetet tjera joshqiptare kanë besim vetëm në misionin e OKB-së”.
Rezoluta 1244 e Këshillit të Sigurimit të OKB-së, sipas Daçiqit, ende është dokument valid dhe “vendimi i vetëm i nxjerrë nga OKB-ja për Kosovën”.
