Për nder të Ditës Botërore të Rinisë, Këshilli Veprimit Rinor Lokal – Drenas organizoi debat me këto tema:
1.Sa krijojnë kushte dhe hapësirë për aktivitete rinore institucionet në Drenas
2.Roli i të rinjve në jetën publike
3.Përfaqsimi/përfshirja e të rinjve në vendimmarrje
Patëm nderin që në panel të kemi deputeten e Kuvendit të Republikës së Kosovës, Ganimete Musliu, ku deputetja e nderuar foli për përvojën dhe eksperiencën e saj ne fushën e rinisë. Ajo i ftoi të rinjtë të jenë me aktiv dhe i ofroi bashkëpunim për t’i rregulluar problemet e rinisë, thuhet në një njoftim të Këshillit Rinor Lokal të Drenasit, njofton Drenica Press.info
Në mesin e pjesëmarrësve ishte edhe Asambleisti i Kuvendit Komunal të Drenasit, Xhavit Drenori, ku edhe ai shprehi gatishmërinë të kontribuoj në zgjedhjen e problemeve të rinisë në Drenas.
Në takim pati shumë pyetje dhe kërkesat e të rinjve të Drenasit ishin për një Qendër Rinore, Hapësira ku mund t’i shfrytëzojnë të rinjtë aktivitetet, rregullimi i një mbikalimi ose nënkalimi tek hekurudha, zgjerimi i urës tek shkollat e mesme e cila cenon sigurinë e nxënësve etj. /Drenica Press/
