Komuna e Drenasit ka njoftuar qytetarët e saj se Drejtoria për Inspeksion, konfirmo Ligjit për mbrojtje të Konsumatorit, ka intensifikuar inspektimin e lokaleve që shërbejnë ushqim të shpejtë ( sidomos gjellëtoreve dhe qebaptoreve) për shkak të frekuentimit më të madh gjatë muajve të verës dhe temperaturave të larta.
Gjatë këtyre inspektimeve ndaj subjekteve që nuk mbajnë në kontroll kushtet e ruajtjes dhe përgatitjes së ushqimit, do të merren masat ndëshkuese sipas Ligjit Sanitar të Kosovës në fuqi, me nr. 2003/22 .
Kërkojmë nga qytetarët e Komunës së Drenasit se në rast të hasjes në ndonjë parregullsi, menjëherë të lajmërojnë në Drejtorinë për Inspeksion me qëllim të mbrojtjes së shëndetit dhe interesave ekonomike të Konsumatorit, thuhet në njoftimin e Komunës së Drenasit. /Drenica Press/
