Drejtori i të ashtuquajturës Zyra për Kosovë në Qeverinë e Serbisë, Marko Gjuriq, ka qëndruar sot në fshatin Banjë të komunës së Skenderajt. Më këtë rast, ai ka thënë se Serbia do të vazhdojë të mbështesë serbët e këtij rajoni të cilët jetojnë të rrethuar tërësisht nga shqiptarët.
Deputetja Musliu i është përgjigjur Gjurqit, ky është mesazhi i deputetes:
Jeni vonuar z. Gjuriq!
Gëzohem që më në fund z. Gjuriq i vizitaut serbët e Banjës në Skenderaj. Jeni vonuar shumë! Këtë është dashtë ta bëni kahere dhe të merrni për model politikat integruese dhe të bashkëjetesës ne Republikën e Kosovës. Apo ndoshta ju zotri Gjuriq dhe Qeveria juaj nuk jeni të interesuar ti shihni bashkëkombasit tuaj të jetojnë në Paqe???
Skenderaj dha shumë për lirinë e qytetarëve të saj dhe ja din më mirë së kushdo tjetër peshën e lirisë.
Prandaj ne i përgëzojmë bashkëqytetarët tanë serb në Banjë që pranuan realitetin e ri në Kosovë. Sot mbi 90% te atyer banorve janë të paisur me dokumenta të Republikës së Kosovës dhe ata jetojnë në Paqe me fqinjet e tyre Shqiptar. Ata sot ndjehen dhe trajtohen të barabart me të gjithë qytetarët e Skenderajt. Meritat për këtë i kanë padyshim qytetarët e Skenderajt të cilët kontribojnë çdo dit që atë çka përjetuan ata nga regjimi dhe administrata e Millosheviqit mos ta përjetoj askush tjetër./Drenicapress/
