Sumejja Abdulkadir, është muslimania e parë që arrin të siguroj fitoren dhe të futet në këshillin e qytetit të Milanos.
Sipas raporteve të Ministrisë së Punëve të brendshme, Sumejja e cila gjendet në listën e të majtëve të moderuar, Partisë Demokratike, ka marrë 1016 vota dhe me këtë është bërë pjesë e këshillit të kryeqytetit ekonomik italian.
Sumejja është 38 vjeçare dhe është me prejardhje palestineze, ndërsa udhëheq projektin kundër dhunës ndaj grave. Projekti i saj quhet “Aisha”.
Në biografinë zyrtare të saj shkruan se Sumejja është e lindur në Peruxha të Italisë, ka dy diploma, një të Biologjisë dhe një të gjuhëve dhe kulturave të huaja. Ajo ka magjistruar në sociologji, ndërsa momentalisht punon për doktoraturën.
(Islampress)
