Europiani i Francës është një ngjarje që motivon më shumë talentet e reja të përfaqësueseve pjesëmarrëse. Janë të shumtë ata talentë që marrin pjesë për herë të parë në Euro 2016, të cilin e shohin atë si skenën më të mirë për të shpalosur vlerat e tyre.
Elseid Hysaj është një prej atyre futbollistëve që do të kërkojë që të shfrytëzojë në maksimum këtë kampionat. I lindur në shkurt të vitit 1994, mbrojtësi i përfaqësueses shqiptare konsiderohet si një prej kandidatëve për të fituar trofeun e Lojtarit te Ri më te Mire të Turneut që do të jepet nga UEFA, transmeton tch.
Qeveria e Futbollit evropian ka ngritur një komision të veçantë për këtë çmim ku në garë janë ata lojtarë që kanë lindur në 1994 e më pas.
Në këtë komision janë përfshirë Sir Alex Ferguson, Alen Zhires dhe Joan Lupescu. Elseid Hysaj tashmë e ka krijuar vendin e tij në futbollin europian, por edhe në këtë garë të veçantë. Ai do të konkurrojë fort me emra të tillë si Antoni Martial, Kingsli Koman, Marcus Rashford, Raheem Sterling etj, lojtarë që luajnë në klubet më prestigjioze të Kontinentit të Vjetër.
