Për nxënësit e dy fshatrave Ticë dhe Plluzhinë sot ishte një ditë gëzimi, pasi sot ata filluan të ndjekin mësimet në objektin e ri shkollor. Me këtë rast i pranishëm në fillimin e punës në objetkin e ri shkollor ishte edhe drejtori i Drejtorisë së Arsimit në Skenderaj, Bekim Latifi, ku uroj nxënësit dhe mësimdhënësit e shkollës fillore “Ismet Uka” për objetin e ri.
Ai u shpreh tejet i kënaqur që tanime koletktivi dhe nxënësit e kësaj shkolle tani kanë kushte shumë më të mira të zhvillimit të procesit mësimor në krahasim me objetin e vjetër, ku kanë ndjekur mësimet deri më tani.
Ndërsa drejtori i shkollës “Ismet Uka” Abdullah Qorri u shpreh tejet i kënaqur me objektin e ri dhe kushtet moderne që ofron objekti i ri shkollor, poashtu falenderoj donatorët e ndërtimit të kësaj shkolle Komunën e Skenderajt dhe Ministrinë e Arsmit./drenicapress/
