Një numër i madh i anëtarëve dhe simpatizantëve të PDK-së në Skenderaj e kanë pritur kandidatin për kryetar të Partisë Demokratike të Kosovës, Kadri Veselin, transmeton Drenica Press.
Kadri Vesel para simpatizantëve të PDK- së në Skenderaj tha se Drenica është çerdhe e PDK-së dhe kjo degë është dega më e fuqishme e PDK-së në tërë Kosovën.
Ai tha se jemi falenderues për punën e mirë që bëri kryetari i deritashëm i PDK-së Hashim Thaçi. Veseli kërkoi që si parti të organizohemi dhe të jemi edhe më tutje partia më e madhe në Kosovë.
Ndërkaq sa i përket orientimit të PDK-së Veseli tha se partia jonë do të jetë parti e qendrës së djathtë, ku do të antarësohemi në familjen e partive të djathta europiane.
Poashtu para të pranishmëve foli edhe kryetari i degës së PDK-së në Skenderaj Abdyl Ymeri, ku shprehu bindjen se me suksesin e njejtë sikurse Hashim Thaçi edhe Kadri Veseli do të arrij të udhëheqë PDK-në.
Madje Ymeri tha se Thaçi e Vesseli kanë shumë ngjashmëri duek qenë se ishin dhe janë shokë gjatë gjithë jetës, duke shërbyer në çlirimin e Kosovës dhe në Pavarësinë e saj. Të pranishmit i përshendeti me një fjalë rasti edhe nënkryetari i PDK-së Enver Hoxha. Vlenë të përmendet se gjithë folësit e këtij takimi përmenden mungesën e Sami Lushtakut dhe Sylejman Selimit të cilët thanë se po gjykohen padrejtësisht./drenicapress/
