164 studentë të komunës së Skenderajt janë përzgjedhur nga një komision i komunës, për bursa studentore, të cilat i ndanë Komuna e Skenderajt në bashkëpunim me përfaqësues të bizneseve dhe njerëz të vullnetit të mirë, shkruan DrenicaPress.
Vlera e përgjithshme e këtij projekti është 82,000 euro, prej të cilave 50,000 euro janë ndarë nga buxheti i Komunës, kurse pjesa tjetër, përkatësisht 32,000 euro kanë participuar firmat që operojnë në komunën tonë.
Secili student do të përfitojë bursë në vlerë prej 500 eurove.
Lidhur me këtë, kryetari i Skenderajt, Bekim Jashari, ka thënë se komuna që ai udhëheq do të angazhohet që të shpërblej studentët e dalluar.
“Përpjekjet tona nuk do të ndalen për studentë të dalluar të komunës sonë, që me anë të ndarjes së bursave në numër sa më të madh, të shpërblehen për rezultatet e mira të arritura gjatë studimeve”, ka thënë Jashari./Drenicapress.info
