Sa i përket biznesit, gjërat kanë ndryshuar edhe në raport me Shqipërinë. 50 kompani kosovare u zotuan se do ta bojkotojnë autostradën, pas vendosjes së tarifës rrugore që për makineritë e rënda është 46 euro për dy drejtime.
Këto kompani që importojnë çimento dhe blloka nuk janë kundër taksës, por kundër çmimit që është vendosur për të shfrytëzuar Rrugën e Kombit. Për të bërë biznes me Shqipërinë koston po e ngrit edhe skanimi i makinave, i cili vetëm paguhet e nuk përdoret.
Kjo po detyron që këto biznesmenë të bëjnë tregti me vendet e tjera. Ata po e shikojnë mundësinë e të bëri biznes në Maqedoni dhe Serbi, pasi taksat rrugore janë afro dhjetë herë më të lira.
Të njëjtat shqetësimi ata i paraqitën edhe tek institucionet shqiptare, por që nuk u morën parasysh. E, përveç bojkotit ata paralajmërojnë edhe protesta në kundërshtim të atyre që po i quajnë plaçkë nga shteti i Shqipërisë.
