E.G., 34 vjeçar, u identifikua të jetë burri i vrarë në restorantin Grilling të qytetit Guayaquil në Ekuador mbrëmjen e së shtunës.
Siç raportojnë mediat vendase viktima u qëllua 20 herë nga një vrasës me pagesë.
Sipas autoriteteve, atentatori i cili mbante një buqetë me lule në duar, shkoi në lokal dhe kërcënoi punonjësin e restorantit që i kërkoi kartën e vaksinimit.
Sipas burimeve policore, viktima kishte pasur lidhje me trafikun e drogës, shkruan Extra.ec, transmeton Klankosova.tv.
Në vendngjarje, ekspertët e kriminalistikës kanë grumbulluar mbi 20 shenja të fishekëve të markës Fame, tip 9×19, sipas të dhënave nga hetuesit. Ata gjithashtu konstatuan se viktima ka marrë disa të shtëna në pjesën ballore të kafkës.
Gjatë aktit të dhunshëm u plagos një vajzë e identifikuar si Angie Romero, 26 vjeç, e cila ishte ulur në një tavolinë pranë vendit ku ndodhej i vrari.
