Kryetari i OVL-së, Hysni Gucati në një prononcim për Gazeta Blic ka konfirmuar se sot do të ndahen pagat për veteranët.
”Veç sa dolëm prej takimi. Pagat dalin sot në ora 14:00. Kanë shku listat në ministri të financave.”, tha ai.
Ai tha se tashmë janë kryer të gjitha procedurat e nevojshme.
”Çdo procedurë prej ministrit të mirëqenies sociale u kry, u dorëzun listat tash dalin pagat.”, shtoi ai.
Ndërsa, i pyetur për hetime të listave ai tha se me to merren prokuroria.
Në anën tjetër, presidenti Hashim Thaçi përmes rrjetit social Facebook bëri të ditur se ka nënshkruar dekretin e Ligjit për Buxhetin me plotësime dhe ndryshime.
”Sapo nënshkrova dekretin e Ligjit për Buxhetin me plotësimet dhe ndryshimet e tij. Riorientimi i mjeteve i bërë me rishikimin buxhetor synon zhvillim më të qëndrueshëm dhe stabilitet makroekonomik. ”, shkroi presidenti në Facebook.
