Verë e dimër kosovarët do të paguajnë njëjtë për energjinë e shpenzuar elektrike.
Kjo pasi duke filluar nga data 1 e këtij muaji hyri në fuqi struktura e re tarifore më të cilën hiqen tarifat sezonale.
Me strukturën e re eliminohen edhe tarifat sipas blloqeve të nivelit të konsumit dhe do të kalohet në tarifa mesatare ditore për çdo kilovat orë pavarësisht sasisë së shpenzuar.
Rrjedhimisht sipas vendimit të ri të Zyrës së Rregullatorit për Energji prej orës 23:00 deri në orën 08:00 të mëngjesit do të aplikohet tarifë e lirë, ku do të kushtojë 3 cent kilovati. Ndërkaq tarifa e lartë prej orës 08:00 deri në 23:00 është 7 cent për kilovat.
