Deputeti i Lidhjes Demokratike të Kosovës, Armend Zemaj përmes një foto në rrjetin social Facebook ka reaguar lidhur me deklaratat e nënkryetarit të OVL-UÇK-së Nasim Haradinaj, që akuzonte babanë e Zemajt për bashkëpunim me serbët në kohë të luftës, madje duke publikuar edhe një foto.
“Ai që e ka trupin e drejtë, nuk ka frikë se i del hija e shtrembër”, ka shkruar Zemaj.
”Lufta” në mes të organizatave të dala nga lufta dhe LDK-së, filloi kur nënkryetari Haradinaj gjatë një debati kishte thënë se punë e madhe që kanë vrarë anëtarë të LDK-së, duke ngjallur kështu shumë reagime në publik.
Kjo u konsiderua si ofendim nga anëtarët e LDK-së që iniciuan në kuvend një mocion për të dënuar gjuhën e përdorur nga Haradinaj, që kaloi me me 68 vota për, një kundër dhe 10 abstenime.
Mirëpo, gjithçka nuk përfundoi pas mocionit. Ishte Haradinaj që vazhdoi me kritika drejtuar LDK-së, në veçanti këtë herë duke ju drejtuar deputetit të LDK-së Armend Zemajt.
Në foton e mëposhtme ku shihen disa persona, Haradinaj pretendon se njëri nga ta është babai i Zemajt që aludon me bashkëpunimin e tij me serbë gjatë kohës së luftës në Kosovë.
”Unë “Monstrumi” që për sojinë e juajë jamë: si Hudhra dhe Kryqi për Vampirin, po të pyesë ? ARMEND ZEMAJ O PATRIOT ! A PO E NJEH QETU KUND BABEN TËND..!!?? I pari nga e majta është. Se tê 3-tinë,Vul Mirqiqin, e të 4-tinë, policin famëkeq ” Zeka” e di që i njehë ma mirë…!?”, thotë nënkryetari i OVL-UÇK-së. Prandaj kurë të tillët si ju dhe armiqët do më lavdêrojnë, une do ndihëm i turpëruar, për deri sa më fyeni ju kuptoj plotësisht porë ta keni me dije se: Fyerja e juajë dhe e të tillëve si ju, mua dhe familjës sime na bën nderë…!”, ka shkruar Haradinaj.
Paraprakisht Zemaj kishte thënë se Haradinaj është plehër dhe profiter i fondeve publike.
“Një pleher i degraduar, i njohur si harbut i pasluftës, një profiter fondesh publike, një egersire ndaj bashkëqytetarëve të vetë që nuk mendojnë njejte me logjiken e tijë prej stalinisti, i dashur dhe i respektuar për kriminelet ordinier….. si përfaqësues i “Veteraneve të Luftës” me hipokrizi dhe mungese ndërshmërie, thekson me mburrje për vrasjet e veprimtarëve të LDK-së, se s’janë asgjë me shume se “punë e madhe”.Ky është modeli i mbrojtjes së kastes kriminale në Kosovë. Populli e dijë kush jeni, kush keni qene dhe çka përfaqësoni, andaj edhe nuk quditet nga këto deklarta tuajt dhe të atyre qe i ke pardon”, kishte shkruar Zemaj.
Kujtojmë që për deklaratën e Haradinajt ka reaguar edhe kushëriri i tij, njëherësh kryeministri i vendit Ramush Haradinaj duke kërkuar falje në emër të tij./Gazeta Blic/
