Lamine Yamal ka folur për karrierën, Barcelonën dhe objektivat e tij në një intervistë për “Universo Valdano”.
18-vjeçari tha se dëshiron që Barcelona të përballet me Real Madridin në Champions League, duke e cilësuar “El Clásicon” si një ndeshje që kuptohet vetëm pasi e përjeton.
Yamal foli edhe për racizmin në futboll, duke kërkuar dënime më të ashpra për aktet raciste, shkruan Indeksonline.
Ai vlerësoi Lionel Messin për Botërorin e fituar me Argjentinën, ndërsa si kundërshtarë më të vështirë për Barcelonën në Champions përmendi Bayern Munichun dhe PSG-në.
Sulmuesi katalanas tregoi edhe një episod me Sergio Busquets, i cili e kishte këshilluar pas një incidenti me kombëtaren. Sipas Yamalit, ajo bisedë ishte pikë kthese dhe e ndihmoi të përkushtohej plotësisht ndaj futbollit. /IndeksOnline/
