Xhamia e Plluzhinës po vazhdon aktivitetin e saj human, ku imami, Sadik Hoxha së bashku me xhematlinjtë e kësaj xhamije po mbledhin ndihma, që t’ju dalin në ndihmë familjeve nevojtare, e poashtu një aktivitet të saj që e dallon nga xhamitë e tjera, shtrimin e iftarëve në xhami për agjëruesit që janë xhematlinjë të kësaj xhamije, shkruan Drenica Press.
Sipas një njoftimi të faqes së Xhamisë së Plluzhinës, thuhet se në prag të fillimit të Muajit të Ramazanit kemi shpërndarë ndihma, dy herë nga 50 pako ushqimore e detergjente për 100 familje.
Xhamia e Plluzhinës njihet si xhamia e parë në Skenderaj, e cila daton nga viti 1666, ku në fillimet e saj, teritori i saj është shtrirë deri në fshatrat e Istogut.