Prokuroria e Prizrenit të hënën do ta intervistojë për herë të fundit Bajram Veliun, i cili vrau gruan e tij me 15 plumba, më 7 gusht të këtij viti.
Burime brenda Prokurorisë kanë thënë se intervistomi i tij do të nisë në orën 10.
Pas kësaj procedure pritet të ngritët edhe aktakuza, në të cilën pritet të propozohet dënim i përjetshëm për njeriu që vrau gruan me revole, në kohën kur ishte në pushime në Kosovë.
Avokati i palës së dëmtuar, Arianit Koci s’ka dashur të komentojë dhe gjatë këtë rast. Por ka lavdëruar punën e organeve të ndjekjes me punën e madhe dhe të shpejtë që kanë bërë për zbardhjen e krimit.
“Nuk e mohoj e as nuk pohoj këtë informatë. Me rëndësi është që unë si përfaqësues i palës së dëmtuar, jam i kënaqur me dinamikën e hetimve, dhe me punën e prokurores së rastit”, ka thënë Koci, për Express, të shtunën.
Si ka thënë se bazuar në prova dhe dëshmi vrasja ka qenë e paramenduar dhe është kryer në mënyrë mizore.
“Sipas mendimit tim, janë plotësuar kushtet ligjore për shqiptimin e dënimit me burgim të përjetshëm”, ka propozuar Koci.
Sidoqoftë, ai ka thënë se Shteti duhet të bëjë diçka që të ndalen vrasjet e grave.
“Vrasja e gruas është krim që po përsëritet. Ky trend duhet të ndalet. Vrasjet e grave duhet të ndalem, dhe me këtë rast duhet të jepët porosi, se kushdo që e vranë gruan, do të dënohet ashpër”, ka shtuar ai.
Express ka shkruar ditën kur është kryer vrasja se pak minuta pasi që dyshohet se B.V., 61 vjeç, vrau gruan e tij 48 vjeçe, ai e kishte telefonuar policinë.
“E kam vrarë gruan”, u kishte thënë zyrtarëve të hetuesisë 61-vjeçari. Në vendin e ngjarjes, sipas policisë, në rrugën “Hysni Morina” të Prizrenit, ai kishte gjuajtur 15 plumba.
E ndjera ka vdekur në vendin ku ka ndodhur krimi.
Çifti kishte më shumë se 2 javë që kishin ardhur në Kosovë. Ata nuk kanë fëmijë nga martesa e tyre.
Por kjo ishte martesa e dytë e çiftit. Që të dy kishin fëmijë nga martesat e para.
Sipas prokurorisë, çifti nuk njihej si problematik.
