Pas mbrëmjes së djeshme në Kiev të Ukrainës, ku u zhvillua ndeshja finale e Ligës së Kampionëve ndërmjet Liverpoolit dhe Real Madridit, ka reaguar protagonisti më i përfolur i këtij eventi që zgjoi aq shumë vëmendje.
Mohamed Salah ka shkruar në Facebook, duke lënë porosi të qartë se nuk është dorëzuar, shkruan Periskopi.
Ai thotë se është luftëtar dhe se ka besim se do të jetë në Rusi për të luajtur në Kampionatin Botëror që fillon brenda pak ditëve.
“Ishte një natë e vështirë, por unë jam luftëtar. Përkundër skepticizmit, besoj se do të jem në Rusi për t’iu bërë të gjithëve krenarë. Dashuria dhe mbështetja juaj do të më jap forcën që më duhet”, ka shkruar Salah.
Salah u largua në pjesëlojën e parë gjatë ndeshjes së mbrëmshme pas një lëndimi të rëndë në një duel me Sergio Ramosin e Madridit. /Periskopi/
