Situatë e rëndë po mbretëron nga vërshimet e sotme që sollën reshjet e shiut në Dumnicë, Stanoc, Maxhunaj, Lumëmadh dhe fshatra tjera të Komunës së Vushtrrisë.
Edhe në qytetin e Vushtrrisë për disa orë disa rrugët u bllokuan nga shiu pasi ujëmbledhësit nuk mundën të përpijnë shiun.
Ka reaguar edhe kryetari i Komunës, Xhafer Tahiri i cili i ka bërë thirrje qeverisë për ndihmë.
“Sapo bisedova në telefon me Kryeministrin Hoti, pas gjendjes se krijuar me vërshime në Dumnicë, Stanoc të Epërm e fshatra tjera të Vushtrrisë. Ekipet emergjente të Komunës dhe Zjarrëfikësit janë në terren duke i dalur në ndihmë banorëve. Po ashtu ekipet e FSK janë autorizuar nga Kryeministri Hoti dhe Ministri Quni të jenë në gjendje gatishmërie për ti dalur në ndihmë qytetarëve të prekur.
Është aktiv komisioni komunal për vlerësim të dëmeve. Do të ndajme mjete nga buxheti Komunal dhe nga Qeveria për ti dalur në ndihmë qytetarëve të prekur”, ka thënë kryetari Tahiri./VushtrriaPress
