Carlo Ancelotti ishte kritikuar se Napolit të tij po i shteronin golat, teksa në 4 ndeshjet e fundit kishte marrë 3 barazime të bardha, por ndaj Parmës të kaltrit u shndërruan në “uragan”, duke fituar me rezultatin e thellë 0-4.
Me Malcuit, tashmë i “stampuar” si mbrojtës i djathtë, edhe në këtë sfidë Hysaj luajti titullar në të majtë, në pozicionin e ri ku e ka përshtatur Ancelotti edhe për shkak të mungesave.
Shkodrani tregoi se mbetet një lojtar i nivelit të lartë, teksa në minutën e 19-të shërbeu për polakun Milik, që zhbllokoi takimin.
Ky gol e çliroi psikologjikisht Napolin, tashmë dominues në fushë, duke shënuar edhe tre gola të tjerë, dy prej të cilëve i realizoi i njëjti autor, Milik (e mbylli me tregolësh), ndërsa në fund gjeti rrjetën edhe Aunas.
