Në Baicë të Drenasit sonte në kuadër të fushatës elektorale kishte shkuar kreu i PDK-së, Kadri Veseli dhe kandidati për kryetar të Drenasit, Ramiz Lladrovci.
Aty kishte filluar një debat jo fort i këndshëm nga tonet e larta që dëgjohen në një video të publikuar nga Burim Kiqina. Ky i fundit thotë se ka kërkuar drejtësi për “Rastin Kiqina”, transmeton Koha.net.
Kiqina dëgjohet duke thënë se ka dëshmitarë, kurse Lladrovci ia kthen “nuk është e ndershme prej teje”. Këto janë pak nga zërat që dëgjohen qartë, teksa Lladrovci i ofron të konsultohen kur të duan jashtë nga aty, që refuzohet nga Kiqina.
Më poshtë keni videon e publikuar nga Kiqina:
