Vëllau plagos vëllaun me sopatë, konflikti për shkak të pronës

Një ngjarje e rëndë ka ndodhur ditën e djeshme në Krujë ku një 55-vjeçar ka plagosur rëndë vëllain e tij me sëpatë.

I arrestuari është Ramazan Ferra 55 vjeç, banues në fshatin Mefsheq Krujë, shkruan albeu.

Arrestimi i tij është bërë sepse një ditë më parë në fshatin Mefsheq, Krujë, për motive pronësie, ka qëlluar me sëpatë, në krah, vëllain e tij, 53-vjeçarin me inicialet G. Ferra, banues në fshatin Mefsheq, Krujë.

Gjatë kontrollit të ushtruar në banesën e autorit u gjetën dhe sekuestruan në cilësinë e provave materiale, sëpata dhe rreth 2 kg lëndë narkotike e dyshuar e llojit kanabis sativa.

Dosja i ka kaluar Prokurorisë së Durrësit për veprime të mëtejshme për veprat penale “Plagosja e rëndë me dashje” dhe “Prodhimi dhe shitja e narkotikëve”