kenderaj – Vitet 2024–2025 po dëshmojnë një rritje të dukshme të pjesëmarrjes dhe suksesit të vajzave në sport në Skenderaj, duke e kthyer këtë komunë në një shembull pozitiv të fuqizimit të gruas përmes aktiviteteve sportive.
Në qendër të këtyre zhvillimeve qëndron volejbolli, ku vajzat e klubit lokal kanë vazhduar të jenë konkurruese në nivel vendi. Ekipi i femrave i KV Skenderaj ka marrë pjesë aktive në Superligën e Kosovës dhe në Kupën e Kosovës, duke arritur rezultate të rëndësishme dhe duke u përballur me ekipet më të forta në vend. Pjesëmarrja në faza vendimtare të garave dhe paraqitjet dinjitoze në ndeshje të rëndësishme janë dëshmi e përkushtimit dhe cilësisë së sportisteve nga kjo komunë.
Por zhvillimi nuk ndalet vetëm në nivelin e klubeve. Gjatë vitit 2024 janë organizuar edhe gara të shumta sportive nëpër shkolla, ku vajzat kanë qenë pjesëmarrëse aktive, duke treguar interes dhe talent në rritje. Këto aktivitete po shërbejnë si bazë për krijimin e një gjenerate të re sportistesh, të cilat në të ardhmen pritet të përfaqësojnë Skenderajn dhe Kosova në nivele edhe më të larta.
Një faktor i rëndësishëm në këtë progres mbetet ndikimi i figurave të njohura sportive nga kjo zonë, si Sherife Behrami, e cila me sukseset e saj shumëvjeçare ka hapur rrugën për vajzat e reja. Trashëgimia e saj vazhdon të reflektohet në motivimin dhe angazhimin e brezave të rinj.
Trendi pozitiv është i qartë. Vajzat nga Skenderaj po dëshmojnë çdo ditë se sporti nuk njeh kufij gjinorë dhe se me përkushtim dhe mbështetje mund të arrihen suksese të rëndësishme. Një përmirësim i kushteve ka ardhur gjatë këtyre viteve ku ky klub ka fituar nga përkrahje nga komuna e Skenderajt. Klubi KV Skenderaj është paisur me paisje të fitnesit dhe me një ambient tejet të mirë sportiv.
Vlen të theksojmë se hapja e palestres sportive Ilaz Kodra i ka dhënë edhe më shumë hov zhvillimit të sportit të volejbollit dhe të futsallit në qytetin e Skenderajt./DRENICA PRESS/
